كيف تنظم مستوى سكر الدم بجسمك
هل النشويات والسكر هو سبب السمنة والوزن الزائد
الناس بتحب تلعب دور الضحية لمؤامرة كونية بتمنعهن من تحقيق أهدافهن
وبيتم إخبارك: الذنب ليس ذنبك أنك بوزن زائد وصحتك في تدهور!
بدل من إخبارك الحقيقة:
أنك ما بتزحزح من الكرسي , وبتاكل كل الوقت بدون توقف!
والحقيقة أنك ضحية لمعلومات مغلوطة وأكل مزيف
سوق الفتنس معظمه مبني على كذبة كبيرة وحقيقة مزيفة و أساليب تسويقية لبيعك أنماط دايت ومنتجات مختلقة بوعد لتحقيق الجسم المثالي ,
قيمة هذا السوق تقدر بعام 2024 هو
US$ 124.7 billion
ولما تتطلع حوليك بتشوف ان الغالبية بشكل جسم غير صحي , وغير راضيين عن نفسهن
ومنلوم السكر والنشويات أو الدهون أو عناصر غذائية تانية
عدد كبير من الناس بتظن ان أكل السكر والنشويات بيرفع الإنسولين , وبيحولك لشخص بدين
شو مدى صحة هالشيئ؟
أكل النشويات بيرفع من الإنسولين يلي بيزيد من قابلية أجسامنا لتخزين الدهون ..
بس مع هيك الإنسولين ما بيسبب السمنة - أكل كميات طعام فوق حاجتنا هو يلي بيسبب زيادة الوزن.
الإنسولين : هرمون يسبب تخزين العناصر الغذائية (الكارب والسكر واحد منهن أكيد ويللي يعتبر مصدر طاقة رئيسي لأجسامنا) وبينقل هي العناصر لداخل العضلات, الأحشاء الداخلية والخلايا الدهنية لتخزينها أو استخدامها لاحقاً
وحتى مسؤول عن تخزين الأحماض الأمينية Amino Acids (الناتجة عن تفكك وهضم البروتين )
وظيفة الإنسولين نقل العناصر الغذائية لأجزاء الجسم يللي لازم يتم استخدامها أو تخزينها فيه وبيخلينا على قيد الحياة
لنفس السبب نجاة مرضى السكري بتكون متعلقة بحقنة يومية من هذا الهرمون!
حالة تخزين الدهون :
بعد ما ينتهي جسمك من هضم , امتصاص واستخدام جزء من الأكل للقيام بالوظائف الحيوية اللازمة
مستوى الإنسولين بيرجع للطبيعي , وجسمنا بينتقل لنظام حرق الدهون
وبيستخدم الدهون كمصدر طاقة , مثل بحالات الصيام
كل البشر بتبدل بين الحالتين السابقين على مدار اليوم أو بالليل لما نوقف عن الأكل
اللون الرمادي الفاتح بيوضح الأوقات يلي مناكل فيها,
لما الإنسولين يرتفع, وجسمنا يستخدم العناصر الغذائية يللي بالأكل أو يخزنها (مرحلة تخزين الدهون)
الرمادي الغامق بيدل على فترات الصيام لما جسمنا يحرق دهون
لوم الإنسولين أنه سبب للسمنة , هو مثل يلي بيلوم عامل البريد أن بيوصلك إعلانات كتير
أو تلوم Gmail أن بيوصلك Spam!
أخبار سارة:
هالشيئ بيعني انك بتقدر تنزل بنسبة دهون جسمك إلى 8% وأنت عم تستمتع بأكلاتك المفضلة
(بتقدر تشوف النتيجة على حسابي الانستغرام)
غير مقبول يكون المدرب يللي المفروض يساعدك , عاجز أن يساعد نفسه
كل شيئ بشاركه هوطريقة فعالة لتحقيق نتيجة عملية بعيدة عن نظريات معقدة تحتاج ماجستير بعلوم التغذية لفهمها
القاعدة الأهم لما الموضوع يتعلق بسكر الدم:
هو ما تفزع وتتوتر بشكل مجنون لو سكر الدم زاد بعد وجبة
هي ردة فعل الجسم الطبيعية وبيدل انك بصحة جيدة ,
الموضوع بيخوف لو كان سكر الدم مرتفع عندك كـــــل الوقت
القاعدة الثانية: لو بدك تتحكم بمستوى سكر الدم بجسمك , وتمنع ارتفاعه وهبوطه بشكل مفاجئ , تأكد أنك عم تاكل كمية بروتين كافية مع وجباتك
بدراسة جديدة قارنت بين وجبتين بتحتوي نفس كمية الكاربوهيدرات (نشويات) , والفرق الوحيد بيناتهن كان إضافة بروتين
والباحثين اختبرو الوجبتين على ناس بيعانو من مرض السكري, وناس طبيعيين
والنتيجة كانت صادمة:
بالمجموعتين السابقين من المشاركين (ناس طبيعية, ومرضى السكري النوع 2)
لما تم إضافة البروتين للوجبات , هالشيئ كان إله أثر واضح بتقليل سكر الدم , وتحسين حساسية الجسم للانسيولين
وبالتالي ساعد الجسم على التعامل مع الكارب بدون ارتفاع حاد بسكر الدم
البروتين بيبطئ حركة الأمعاء , بالتحديد إفراغ المعدة ..
هالشيئ بيعني ان الأكل رح يبقى لمدة أطول ضمن أمعاءك
وبالتالي بيبطئ ارتفاع Glucose (سكر الدم) ,
بطريقة بتسهل على جسمك التعامل مع العناصر الغذائية وتخزينها
الدراسة كمان اختبرت الفروقات بين نوعية ومصدر البروتين المضاف مع الوجبات,
البروتين النباتي والحيواني كان إلهن أثر إيجابي بتنظيم سكر الدم
ولكن
البروتين من مصادر حيوانية كان إله الأثر الأكبر والأفضل , وبالمركز الثاني كان البروتين من مشتقات الحليب والأجبان والمركز الأخير كان للبروتين النباتي
هل بتعتمد على النشويات ضمن الدايت الخاص فيك؟
أو عندك حالة خوف من الكارب وبتحاول تقلل منه؟
شاركني اسئلتك واستفساراتك (بجاوب على كل التعليقات بأقرب وقت)
ولحتى تسمع مني عن جديد
بتمنالك كل الصحة والعافية
محمد سليك
في أي وقت تشعر أنك جاهز للبدء:
لبدء العمل معي (تدريب فردي) وتعلم الطريقة الأفضل لبناء جسم منحوت Greek god physique في وقت قياسي وبدون إضاعة جهدك بساعات طويلة في الجيم يمكنك حجز مكالمة استشارية لمعرفة إذا ما كنت مؤهل