طريقة الدايت الأسهل على وجه الأرض

دايت الوجه الأخضر

خلينا نكون صريحين من البداية: الدايت ممكن يكون وجع مستمر (مثل الحجر الصغير يللي بيعلق بحذائك وأنت عم تمشي)

بعرف بشكل منيح بوجود مليون نمط دايت الناس بتحلف بفعاليته, وأن رح يحققلك فيزيك نجم هوليودي لو رح تتبع الطريقة السحرية

المشكلة: أن معظم أنماط الدايت معقدة وصعبة

البعض ممكن يتطلب انك تحسب سعراتك الحرارية, وتسجل كل حبة أكل وكانك عم تعمل بحث علمي

البعض الآخر ممكن يجبرك عن الامتناع عن أنماط أكل كاملة مثل الكارب وكأن في سم جواها

يللي بعرفه منيح أن ما حدا عنده الوقت أو القدرة على الاستمرار بهيك نمط حياة

خليني قدملك شيئ مختلف اليوم.

الشيئ يللي بحب سميه : الدايت الأسهل على وجه الأرض (بشكل قطعي)

أي شخص بغض النظر عن مستواه بيقدر يلتزم فيه ويشوف نتيجة

دايت الوجه الأخضر

ما هو دايت الوجه الأخضر؟

بدون إضاعة لوقتك , رح يكون آخر دايت رح تتعلمه بحياتك (لأني بعرف فعاليته)

أكيد ما بقصد أنك رح تاكل أكل الأرانب وتجوع نفسك وأنت عم تستهلك 800 سعرة حرارية باليوم!

رح تاكل أكل حقيقي , يللي رح يحقق نتيجة ويغير من جسمك ويخليك تشعر وكأنك بقوة 1000 حصان

بطريقة رح تخليك تخسر دهون, تزيد من طاقتك وتركيزك بدون حرمان وتجويع

القاعدة بسيطة وبتقدر تكتبها على ورقة وتعلقها على مكتبك :

1. لو الطعام كان أخضر اللون (بينمو من الأرض) , بتقدر تاكله

2. لو كان إله وجه , أو بيكبر ليكون عنده وجه, بتقدر تاكله

3. لو كان الطعام ليس أخضر (أو بينمو من الأرض) وليس له وجه, لا تستطيع أكله

هي الطريقة يلي سمحتلي قلل نسبة الدهون بجسمي واخسر أكثر من 10 كغ دهون خلال شهرين بدون حساب سعرات حرارية

لست بحاجة لطريقة معقدة لحساب سعراتك , تحضير وجباتك وتعلم علوم الجبر والرياضيات

أنت بحاجة لطريقة عملية سهلة التطبيق بتتناسب مع طبيعة حياتنا المشغولة, لنقدر نستثمر وقتنا بتحقيق أحلامنا وليس حساب سعراتنا

يمكن عم تشكك بصحة كلامي , بعرف صعب تصديق ان الموضوع بهي البساطة

لحد ما تعطي نفسك الفرصة وتشوف جسمك عم يحرق دهون أسرع من سيارة لامبورغيني على الطريق السريع

ليش هذا الدايت فعال

لو بتنمو من الأرض أو بتسبح , بتطير أو بتركض , بتقدر تاكلها

أكيد عم تفكر
الطريقة بسيطة جداً! بس هل فعلياً بتشتغل؟

الجواب اي, و رح خبرك السبب :

1. أنت عم تتخلص من كل ال Junk
   
   من خلال الالتزام بدايت الوجه الأخضر , أنت اختصرت الطريق على نفسك وامتنعت عن استهلاك أي Junk
   انسى الشيبس والنوتيلا , كوكيز أو كراميل
   انسى المشروبات المليئة بالسكر
   رح نستبدلها بأكل صحي كامل حقيقي جسمك رح يستخدمه كوقود لتحقيق نتيجة خارقة (معظم الناس ما رح تصدق أنك طبيعي)
   
   لو هدفك تحقق جسم منحوت من المستحيل تحقيق هذا الهدف وأنت عم تستهلك Junk
   

2. سوف تغذي جسمك بكمية كبيرة من البروتين والألياف
   
   دايت الوجه الأخضر مليئ بالبروتين , اللحوم, سمك , وبيض
   ومليئ بالألياف من النباتات الخضراء,
   
   البروتين رح يساعدك تحس بشعور الشبع ويقلل من استهلاكك للسعرات و يساعد على بناء العضلات
   بينما الألياف رح تبطئ حركة الجهاز الهضمي وتخلي امعاءك مليئة طول الوقت وتمنعك من الأكل المفرط
   

3. رح تدرب حاسة الذوق عندك
   
   الاعتماد على الأغذية المعالجة والمصنعة ultra-processed foods
   تم تصميمها لحتى تتلاعب بحاسة الذوق وتخليك تاكل وتستهلك أكثر بدون توقف
   
   الاعتماد على دايت الوجه الأخضر رح يعيد تدريب حاسة الذوق عندك لتستمتع بأغذية “حقيقية“ لدرجة رح تبدأ تشتهي الأكل الحقيقي مثل الفواكه والخضار بدل الطعام المزيف
   
   

4. من المستحيل ان تأكل فوق احتياجك Overeating
   
   خلينا نكون صادقين مع نفسنا , كم مرة بحياتك لقيت نفسك غير قادر على التوقف عن أكل الخضار أو لحم الدجاج؟
   
   الأطعمة ضمن دايت الوجه الأخضر مليئة بالعناصر الغذائية وبتخليك تشعر بالشبع والامتلاء بطريقة بتخلي من الصعب أكل طعام فوق حاجة جسمك
   
   وحتى لو حصل هذا الشيئ من وقت لآخر , جسمك رح يحصل على عناصر غذائية مثل فيتامينات ومعادن وليس سعرات حرارية فارغة مليئة بالسكر فقط!
   
   

لمين هذا الدايت ملائم ومناسب؟

دايت الوجه الأخضر مناسب لأي إنسان عم يبدأ (يعيد البدء من جديد) رحلته للوصل لجسم هوليودي منحوت ومثالي

خاصة للأشخاص يللي بتهتم انها تكون بنسبة دهون أقل من 10% وترفع من مستوى صحتها وعم تبحث عن طريق مختصر لتحقيق هذا الهدف بدون تعقيد

كيف ممكن تطبيق هذا الدايت

أي طعام بوجه

• دجاج

• بيض

• البقر

• خروف

• سلمون (المأكولات البحرية)

• تونا

• والخيارات ما بتنتهي

المأكولات الخضراء

• بروكلي

• البقوليات (الفاصوليا الحمراء/ خضراء)

• كوسا

• فواكه بأنواعها

• سبانخ

• بازلاء خضراء

• حمص

• خس (أي صنف)

• خيار

• وخيرات الطبيعة لا تنتهي

ما هي كمية الطعام اليومي لتحقيق نتيجة؟

1. حجم البروتين في كل وجبة يجب ان يكون بحم قبضة اليد مغلقة

2. الخضار تستطيع الأكل حتى الشبع (السعرات جداً قليلة في الخضار)

3. الفواكه مرتين يومياً 2-3 حبات

4. الكاربوهيدرات والنشويات بحجم راحة/ كف اليد مفتوحة

ما هي المدة الذي يجب ان التزم بها في هذا الدايت؟

لو قررت الالتزام بالخطة يلي شاركتها معك , حاول الالتزام فيها 100% لمدة 4 أسابيع كحد أدنى.
ضمن هي الفترة رح تلاحظ خسارة بالدهون , و رح تعيد تصحيح وتشافي حاسة الذوق عندك

بعد هيك بتقدر تلتزم بدايت الوجه الأخضر 80% وتخلي مساحة 20% لأطعمتك المفضلة وتكون مرن بطريقة اختيارك

من المستحيل ان تفشل

دايت الوجه الأخضر هو الأسهل تطبيقاً على وجه الأرض ,
لأن بيتخلص وبيلغي أي كلام فارغ ونصيحة غير عملية ما بتساعد على تحقيق نتيجة على أرض الواقع - وهذا الشيئ يللي أنا بركز عليه

الموضوع ببساطة انك تاكل أكل حقيقي مليان بالعناصر الغذائية يلي رح يسمح لجسمك أن يكون بصحة داخلياً وخارجياً

قاعدة بسيطة وأي حدا بيقدر يطبقها ويشوف نتيجة:

لو بتنمو من الأرض أو بتسبح , بتطير أو بتركض , بتقدر تاكلها

لو تعبت ومليت من نصائح الفتنس المملة والمعقدة يللي بتحتاج شهادة دكتوراة بعلوم التغذية لحتى تفهمها , وعم تدور على طريقة بسيطة وفعالة … دايت الوجه الأخضر مناسب لإلك

هذا كان كل شيئ لرسالة اليوم , ولحتى تسمع مني عن جديد

بتمنالك الصحة الدائمة والعافية وثقة بالنفس بتملي عليك الدنيا نجاح وسعادة

محمد سليك

---

في أي وقت تشعر أنك جاهز 3 طرق للتدرّب معي:

• انضم لقناة Whatsapp مجاناً - تحديثات يومية وحصرية

• Hollywood physique Program : آخر برنامج فتنس ستحتاجه لامتلاك جسم هوليودي منحوت لبقية حياتك

• البرامج التدريبية ضمن الأكاديمية “قريباً تدريب مجاني ومحتوى حصري“