الغذاء المثالي لحرق الدهون
تركيز أعلى, شبع يدوم وجسم منحوت
هل ممكن يكون الطعام المثالي لحرق الدهون على وجه الأرض؟ ممكن
الباحثين والعلماء درسو الاختلاف بأنماط الطعام المختلفة وتأثيرها على أجسامنا لما نتمرن بعدها بنفس اليوم
درسو ثلاث مجموعات من الناس تناولت أطعمة مختلفة:
بروتين مع القليل من الكاربوهيدرات (اللحوم مع الخضار)
كاربوهيدرات والقليل من البروتين
بدون أي طعام أو غداء
وبعد ساعات قليلة, المجموعات الثلاثة تمرنت لمدة ساعة
وجدو ان الناس يللي تناولت طعام غني بالبروتين والمجموعة يللي ما أكلت أي طعام حرقو دهون أكثر خلال التمرين من الناس يلي استهلكت كاربوهيدرات فقط
وقللت من شعور الجوع , وبالتالي أكلو طعام أقل بنهاية اليوم
البروتين هو العنصر الغذائي الأهم يلي لازم تعرف الكمية يللي جسمك بيحتاجها وتغطيها بشكل يومي ومستمر
استهلاك بروتين عالي بيعني كتلة عضلية بدون دهون , قوة أكبر وسرعة ببناء العضلات وبيساعدك بتحسين تناسق الجسم وأساسي لوظيفة الدماغ
والأهم من ذلك: استهلاك البروتين لن يدمر الكلى أو يؤثر عليك بشكل سلبي (المصدر)
العضلات هي المفتاح الأساسي لتخفيض نسبة الدهون بجسمك عن طريق رفع معدل الاستقلاب , ولبناء العضلات والحفاظ عليها نحنا منحتاج للبروتين
الطريقة الأسهل لحساب حاجتك من البروتين
هي استهلاك 2 غ من البروتين لكل 1 كغ من وزن جسمك بدون دهون (ليس الوزن الكلي)
هي الكمية الأقل يللي انت بحاجتها لبناء والحفاظ على عضلاتك
مصادر البروتين الأفضل:
التوقيت المثالي لاستهلاك البروتين:
بعض الناس تظن انك لازم تستهلك بروتين بشكل فوري بعد التمرين , وإلا رح تخسر كل عضلاتك
بس هل هذا الشيئ صحيح؟!
بدراسة جديدة وجدو : ان توقيت تناول البروتين ما عمل أي فرق على النمو العضلي أو اكتساب القوة
الباحثين جمعو 30 شخص بيتمرنو وبيرفعو أوزان بالجيم بشكل منتظم وقسموهن لمجموعتين :
المجموعة الأولى: تناولو 25 غ بروتين فوراً بعد التمرين
المجموعة الثانية: تناولو 25 غ بروتين بعد 3 ساعات من التمرين
المجموعتين تمرنو 4 مرات بالإسبوع بنفس البرنامج والروتين
بعد 8 أسابيع, وجدو نفس الزيادة بالقوة العضلية والكتلة وحتى نفس الأداء ضمن التمرين
عدد كبير من الناس بتحب تخلق دراما وتعقيد بحياتها
والحقيقة “التفاصيل الصغيرة ما بتفرق , والأهم هو الصورة الكبيرة وخلق بساطة ومتعة بحياتك بدل من التعقيد يلي رح يخلي الاستمرارية مهمة صعبة“
تذكر دائماً: لو ما رح توقف من المستحيل أنك تفشل
على مدار العشر سنوات الأخيرة , الأبحاث أكدت أهمية انك تغطي حاجتك من البروتين بشكل يومي , بغض النظر عن التوقيت وعدد الوجبات
الهدف يلي لازم تسعى لإله هو أنك تغطي حاجتك اليومية فقط لا غير ,بغض النظر عن أي تفاصيل تانية
لحتى تكون متأكد انك عم تغطي حاجة جسمك من البروتين ليبني ويرمم العضلات (1.6 - 2 غ) بروتين لكل 1 كغ من وزن جسمك هو الرقم المثالي
على سبيل المثال:
لو وزنك 90 كغ (وزني الحالي بعد 10 سنوات تمرين بالجيم)
أنت بحاجة ل 180 غ بروتين (300 غ من صدور الدجاج بتحتوي على نص حاجتك اليومية من البروتين)
أنت مانك مضطر تجبر نفسك انك تاكل كميات لحوم هائلة أو Protein Bar مليانة سكريات
لو الدايت يللي عم تتبعه متوازن , بيحتوي على بيض, لحوم , ومنتجات حليب وأجبان
تغطية حاجة جسمك من البروتين رح تكون مهمة أسهل مما بتظن
البساطة هو السر والمفتاح لتحقيق جسم منحوت ومثالي
كيف بغطي حاجة جسمي من البروتين بعد عشر سنوات تمرين:
باكل وجبتين يومياً , او ثلاثة حسب الجهد يللي بذلته على مدار اليوم.
بحاول اني ضيف بروتين على كل الوجبات , بغض النظر لو رح اكل بآخر 4 ساعات من اليوم
انسى خرافة ان جسمك ما بيمتص إلا كمية محددة من البروتين مع كل وجبة!
لو هالشيئ صحيح , أنا وأنت ما رح نكون موجودين على وجه الأرض
أجدادنا وعلى مدار آلاف من السنين كانت تعتمد على الصيد , والأكل عند توفر الطعام
كانو مجبرين على الصوم لفترات طويلة , وبعدها أكل وجبات كبيرة
لو رح تتبع هي الطريقة من الصيام
أنت بتضمن أنك تكون بحالة عجز بالسعرات وبنفس الوقت تستمتع بوجبات كبيرة بنهاية اليوم , بدون ما تحس نفسك انك عم تعمل دايت بالأساس
الصيام رح يخلق توازن بهرمونات جسمك , رح يرفع من معدل التستوستيرون وهرمون النمو GH بشكل طبيعي وبدون إبر ومنشطات
والأفضل من كل ما سبق , أنه مجاني وآمن وبتقدر تبدأ اليوم وتشوف نتيجة خلال أيام قليلة
رح يزيد من قدرتك على التركيز ويعطيك القوة لتواجه تحديات الحياة بعقل وجسم حديدي
تنظيم مستوى سكر الدم باستخدام البروتين:
لحتى أثبتلك سهولة التحكم بمستوى سكر الدم
الأبحاث أثبتت أن إضافة كمية صغيرة من البروتين على وجباتك إله أثر كبير على ردة فعل جسمنا لما نستهلك سكر
أكيد عم تسأل نفسك:
ليش لازم اهتم بمستوى السكر بجسمي؟
معظم الناس بتربط استهلاك السكريات والنشويات بارتفاع معدل الانسولين بالجسم وتخزين الدهون والسمنة
الإنسولين : هرمون يسبب تخزين العناصر الغذائية (الكارب والسكر واحد منهن أكيد ويللي يعتبر مصدر طاقة رئيسي لأجسامنا) وبينقل هي العناصر لداخل العضلات, الأحشاء الداخلية والخلايا الدهنية لتخزينها أو استخدامها لاحقاً
وحتى مسؤول عن تخزين الأحماض الأمينية Amino Acids (الناتجة عن تفكك وهضم البروتين )
وظيفة الإنسولين نقل العناصر الغذائية لأجزاء الجسم يللي لازم يتم استخدامها أو تخزينها فيه وبيخلينا على قيد الحياة
هل الإنسولين سبب السمنة والوزن الزائد؟
كمية الطعام المستهلك على مدار اليوم هي يللي بتحدد هالشيئ,
بس تقلب وارتفاع الإنسولين بشكل حاد , بيأدي لخسارة التحكم بشهيتنا و رغبتنا بأكل المزيد من السكر والنشويات!
لحتى نحصل على شعور النشوة , الدوبامين الناتج عن تناول السكريات
يلي بيخلي معظم الناس عالقة بدوامة من استهلاك المزيد بدون توقف
الإنسولين ليس سبب السمنة بشكل مباشر, ولكن انخفاض وارتفاع مستوى السكر بشكل حاد بيأدي لخسارة التحكم بالشهية
شاركت سابقاً طريقة عملية لتنظيم مستوى سكر الدم بجسمك
بالدراسة على مجموعة من الناس يلي استهلكت Cereals ومجموعة تانية شربت شيك بروتين إضافة للسيريال
شرب أو استهلاك البروتين قبل الوجبة , ساعة بتقليل نسبة الانسولين 28%
الموضوع مانه متعلق بشرب نوع بروتين معين , مجرد إضافة نسبة بروتين أعلى لوجباتك سواء من مصدر نباتي أو حيواني (يفضل المصادر الحيوانية مثل اللحوم, تونا, سمك , بيض)
رح يزيد من شعورك بالشبع , يبطئ عملية الهضم ويساعد ويحميك من ارتفاع معدل الانسولين وسكر الدم
والدراسة أظهرت أن حتى تناول كمية صغيرة من Whey Protein - مثل 15 غ (سكوب البروتين حوالي 40 غ)
كمية أقل من سكوب واحد كانت كافية لزيادة شعور الشبع وتنظيم سكر الدم
من الطبيعي ان مستوى السكر يزيد بعد الوجبات , وبيتحول لمشكلة فقط لو زاد بشكل مستمر لفترات طويلة وبشكل متكرر
عدا عن هيك الاهتمام بتغطية حاجتك من البروتين رح يساعدك بتحقيق جسم صحي , التخلص من الوزن الزايد , تقليل مستوى التوتر , والاعتناء بجودة نومك
كلها عوامل رح تساعدك بتحقيق جسم مثالي وحياة أكثر صحة
في أي وقت تشعر أنك جاهز لبدء التدريب معي:
تعلم الطريقة الأفضل لبناء جسم هوليودي منحوت خلال 120 يوم
سيكون لديك وصول:
دليل كامل لبناء جسم منحوت, نفس الطريقة التي يتبعها مشاهير هوليود 🏋🏻
ارفع معدلات هرمونات الرجولة الأهم طبيعياً
زد من إنتاجيتك وطاقتك على مدار اليوم 🔋
دليلك لإعادة برمجة عقلك 🧠
خطوة بخطوة لتحقيق حياة أكثر صحة وسعادة 🧘🏻♂️
مكالمات إسبوعية للإجابة على اسئلتك ☎️